AZ
RU
Professor rüşvət alarkən tutuldu -Rusiyada
Volqoqrad Dövlət Texniki Universitetinin "Memarlıq və İnşaat İnstitutunun" dissertasiya şurasının sədri öz kabinetində rüşvət alarkən tutulub.
Xeberinfo.com: Bu barədə “life.ru” məlumat yayıb.
Aleksandr Boqomolov - Rusiyada ali təhsilin inkişafı üçün bir çox dövlət mükafatı ilə mükafatlandırılmış məşhur müəllim, bir neçə böyük elmi işin müəllifi - öz tələbəsinin doktorluq dissertasiyasının müdafiəsi üçün 50 min dollar almaq istəyibmiş.
“Aleksandr Boqomolov öz kabinetində tələb olunan məbləğin 10 min dollarını alarkən saxlanılıb. Pulu ona doktorluq dissertasiyasının müdafiəsi üçün aspirantlarından biri ödəyib”, - deyə hüquq-mühafizə orqanlarında mənbə bildirib.
Həmin məbləğdən başqa professorun evindən daha 5 min ABŞ dolları və 2 min avro tapılıb. Faktla bağlı cinayət işi açılıb.
.jpg)
