ABŞ-nin Yəmən ərazisinə endirdiyi hava zərbələri nəticəsində azı 38 nəfər həlak olub, daha 102 nəfər yaralanıb.

Yenixeber.org: Bu barədə Yəmənin "Ənsar Allah" hərəkatından olan husilərin nəzarətində olan "Al Masirah" telekanalı məlumat yayıb.

Məlumata görə, ABŞ Hərbi Hava Qüvvələri azı 14 hücum həyata keçirib.

ABŞ silahlı qüvvələrinin Mərkəzi Komandanlığı öz növbəsində Ras-İsa limanının məhv edildiyi barədə məlumat yayıb. “X” sosial şəbəkəsində verilən bəyanata görə, bu, üsyançıları neft məhsullarının satışından "qanunsuz gəlir" əldə etməkdən və yanacağa çıxışdan məhrum edib.

ABŞ-nin Yəmən ərazisinə hava hücumları nəticəsində azı 22 nəfər ölüb, onlarla insan yaralanıb.

Bu barədə Yəmənin "Ənsar Allah" hərəkatından olan husilərin nəzarətində olan "Al Masirah" telekanalı məlumat yayıb.

Məlumata görə, bombardman cümə günü gecə Qırmızı dəniz sahilində yerləşən Ras-İsa limanı neft terminalının yerləşdiyi Əl-Hodeyda əyalətində olub. Qeyd olunur ki, 17 fəhlə və xidmətçi, həmçinin 5 təcili yardım işçisi həlak olub.

Limanda güclü yanğın baş verib, yanğınla mübarizə hələ də davam edir.

Əl-Hodeydanın qubernatoru Abdullah Oteyfi deyib ki, Amerikanın cinayətkar təcavüzü yalnız mülki infrastrukturun obyekti olan Ras-İsa limanına yönəlib. O vurğulayıb ki, ABŞ-nin hərəkətləri Yəmən xalqını Qəzza zolağında fələstinlilərə dəstək verməkdən imtina etməyə məcbur etməyəcək.