Amerikalı keçmiş kəşfiyyatçı İsrail ordusunun Qəzza zolağında məhv ediləcəyini proqnozlaşdırıb

“Qəzza zolağında quru əməliyyatı başlasa, İsrail ordusu məhv ediləcək”.

Yenixeber.org: Bu sözləri ABŞ kəşfiyyatının keçmiş əməkdaşı Scott Ritter “Judging Freedom” “YouTube” kanalına verdiyi müsahibədə deyib.

Ritter hesab edir ki, Fələstinin HƏMAS hərəkatı quru əməliyyatına hazırlaşıb və İsraili qəsdən “ölüm tələsinə” sürükləyir.

“İsraillilər Qəzzaya girsələr, tam səmimi deyirəm, öləcəklər”, kəşfiyyatçı qeyd edib.

Keçmiş amerikalı kəşfiyyatçının sözlərinə görə, ABŞ Prezidenti Co Bayden İsrailin qələbəsinin mümkünsüzlüyünü dərk edir və həmçinin Livan Hizbullah hərəkatı və İran münaqişəyə cəlb olunarsa, Vaşinqtonun kömək edə bilməyəcəyini anlayır.