AZ
RU
ABŞ nüvə silahlarını yenidən bu ölkəyə köçürür
Amerika Alimləri Federasiyası ABŞ-ın nüvə silahlarını Böyük Britaniyaya köçürmək niyyətində olduğuna dair sübutların artdığı haqda məlumat yayımlayıb.
Yenixeber.org: ABŞ Hərbi Hava Qüvvələrinin 2024-cü maliyyə ili büdcə layihəsinə diqqət çəkən elm adamları İngiltərənin paytaxtı Londondan təxminən 100 kilometr aralıda yerləşən Kral Hərbi Hava Qüvvələrinin Leykenhit aviabazasında təhlükəsiz anbar yaradılacağını qeyd ediblər.
Deponun yanında Kral Hərbi Hava Qüvvələrinin F-35 pilotları üçün kazarmaların tikilməsi planlaşdırıldığı da bildirilir.
Qeyd edək ki, ABŞ 1952-ci ildən başlayaraq təxminən 50 il ərzində öz nüvə silahlarını İngiltərədə saxlayıb. 2008-ci ildə isə B61 bombalarının köhnəlməsi səbəbindən ərazidən çıxarıb.
.jpg)
