AZ
RU
Hazırda həbsdə saxlanılan “Xural” Media Qrupunun rəhbəri Azərbaycan Respublikasının İnsan Hüquqları üzrə müvəkkili Səbinə Əliyevaya müraciət edib.
Yenixeber.org: Bu barədə Əvəz Zeynallının həyat yoldaşı Məlahər Zeynallı məlumat yayıb.
Ə. Zeynallı müraciətində Baş Prokurorluğun İstintaq İdarəsi tərəfindən bu il sentyabrın 10-da siyasi sifariş əsasında, saxta ittihamlarla həbs olunduğunu, həbsindən ötən 3 ay 10 gün olmasına baxmayaraq, hələ də ailə üzvləri ilə telefon danışıqlarına və ailə görüşünə qanunsuz və əsassız olaraq qadağa qoyulduğunu bildirib. O, ombudsmandan bu məsələ ilə bağlı müraciətinə baxılmasını və insanların doğal haqq və hüquqlarının pozulmasına öz səlahiyyətləri daxilində münasibət bildirilməsini istəyib.
