Sosial şəbəkələrdə paylaşılan görüntülərdə Ukrayna ordusu tərəfindən əsir götürülən rus əsgərlərin necə yazıq, fağır, heçnədən xəbərsiz şəkildə imdad diləmələrinin şahidi oluruq. Yayılan görüntülərdə rus hərbçilər aldadılaraq təlim adıyla Ukraynaya gətirildiklərini və döyüşmək istəmədiklərini bildirirlər. Onların yalançı simalarına aldanan ukraynalılar isə rus əsgərlərə isti çay, yemək verir hətta valideynlərilə əlaqə qurmalarına belə şərait yaradırlar.

Yenixeber.org: Bugün Ukrayna mediasında yayılan sənəddən sonra rus hərbçilərin daha bir yalanı ifşa olunub. Belə ki, Ukrayna Silahlı Qüvvələrinin ələ keçirdiyi sənədə əsasən, günahsız kimi görünməyə çalışan məzlum rusların əslində əvvəlcədən hər şeydən xəbərdar olduqları ortaya çıxıb.

Ukrayna mətbuatı xəbər verir ki, Ukrayna Silahlı Qüvvələrinin əsir götürdüyü rus hərbçilərdən birinin üzərindən tapılan sənədin yuxarı hissəsində belə bir qeyd var:“Başqa dövlətlərin ərazisində döyüş tapşırıqlarının yerinə yetririlməsi”.

Bu yazının aşağısında isə Ukraynadakı döyüşlərdə iştirak edəcək rus əsgərlərin hər birinin ad, soyadları və imzaları var. Bir sözlə, bu sənəd rusların “təlim” adı verdikləri işğaldan əvvəlcədən məlumatlı olduqlarını göstərir.

Rus hərbçilərin olub-bitəndən xəbərsizmiş kimi davranmalarına gəlincə, yəqin ki, onlar Rusiya ordusunda öyrəndikləri “aktyorluq” bacarıqlarını bütün dünyaya nümayiş etdirməyə çalışırlar...(azpolitika)

Elvin Bəyməmmədli