AZ
RU
AAYDA-nın bir əməkdaşı digərinin ölümünə səbəb oldu
Azərbaycan Avtomobil Yolları Dövlət Agentliyinin bir əməkdaşı qurumun digər əməkdaşının ölümünə səbəb olub.
Yenixeber.org: Daxili İşlər Nazirliyindən verilən məlumata görə, Xətai rayonu ərazisində yolun hərəkət hissəsinin təmiri zamanı “KamAZ” markalı avtomobillə orada fəhlə işləyən Arif Hüseynov vurulub.
Noyabrın 7-də saat 16 radələrində Xətai rayonu ərazisində 10-cu Zavod dairəsində yolun hərəkət hissəsinin təmiri zamanı Göygöl rayon sakini Natiq Bayramov “KamAZ” markalı avtomobili arxaya sürərkən orada fəhlə işləyən Bakı şəhər sakini Arif Hüseynovu bilmədən vurub. Nəticədə A.Hüseynov hadisə yerində dünyasını dəyişib.
Hər iki şəxs Azərbaycan Avtomobil Yolları Dövlət Agentliyinin əməkdaşı olub.
Faktla bağlı Xətai Rayon Polis İdarəsi tərəfindən araşdırma aparılır.(axar)
.jpg)
