Bakıda fəaliyyət göstərən “Yıldız Elektrik, Mühəndislik və İnşaat” MMC bağlana bilər

Xeberinfo.com:   Politika.Az-a daxil olan xəbərdə iddia olunur ki, şirkətin adının Fətullah Gülənə yaxınlıqda hallanması fəaliyyətinə xitam verəcəyini gündəmə gətirib. 

Mənbənin qeydlərinə görə, Azərbaycanda Gülənin iqtisadi dayaqları da bir-bir çökdürülür. FƏTO-nun Bakıdakı media və təhsil sektoru artıq qapadılıb, növbənin ticarət şəbəkəsinə çatdığı deyilir. 

Qaynağımız qeyd edir ki, şirkətin mətbuatda adı Gülənlə hallanıb. Əgər bu iddialar təsdiqini taparsa, bağlanacağı gözləniləndir. 

“Yıldız Elektrik, Mühəndislik və İnşaat” MMC Türkiyə və digər ölkələrdə istehsal olunan elektrik mallarının Azərbaycanda satışını təşkil edir. 

Ticari fəaliyyət müddəti boyunca bir Çox Türkiyəli şirkətlərin (Vi-Ko, T-Plast, Teltex, Carkıt, Öncü Güvenlik və s.) rəsmi distribütoru olaraq özünü təsdiq edən MMC ölkənin ən fəal ticarət müəssisələrindən biridir. 

Hazırda tikinti sektorunda da fəaliyyət göstərən şirkətin Gülən camaatına bağlılığı güman edilir. Şirkət 2007-ci ildə qeydiyyatdan keçib və qanuni təmsilçisi Vəliyev Səyyad Savalan oğludur.