AZ
RU
Vətəndaşın evini uçuran şirkətin icazəsi yox imiş -RƏSMİ AÇIQLAMA
Yasamal rayonu, Alatava ərazisində aparılan söküntü işlərinin müvafiq icazə olmadan aparıldığı müəyyən olunub.
Yenixeber.org: Bu haqda Dövlət Şəhərsalma və Arxitektura Komitəsi məlumat yayıb.
Qeyd olunub ki, həmin ərazidə aparılan söküntü işləri ilə əlaqədar bu gün Dövlət Şəhərsalma və Arxitektura Komitəsi yanında Bakı Şəhər Memarlıq və Şəhərsalma Baş İdarəsi tərəfindən əraziyə baxış keçirilib və bu işlərin müvafiq icazə olmadan aparıldığı müəyyən edilib:
“Qeyd edək ki, aparılan işlər vətəndaşlarla tam razılıq əldə edilmədən və mövcud qanunvericiliyin tələblərinə zidd aparıldığı üçün Baş İdarə tərəfindən aidiyyəti qurumlarla birlikdə dayandırılıb və aktlaşdırılıb. Qanunsuz işlər zamanı vətəndaşların mülklərinə dəymiş ziyanla bağlı müvafiq araşdırma aparılması üçün materiallar Baş İdarə tərəfindən hüquq-mühafizə orqanlarına təqdim ediləcək”.
.jpg)
