AZ
RU
.jpg)
İrəvanla sülh sazişi imzalamaq ən vacib məsələdir -RƏSMİ
Ermənistanla sülh sazişi imzalamaq, sərhədlərin demarkasiyası və “yaxşı qonşular kimi” digər proseslərə başlamaq ən vacib olan məsələdir.
Yenixeber.org: Bunu Azərbaycanın Bolqarıstandakı səfiri Hüseyn Hüseynov BNR radiosuna müsahibəsində deyib.
“Biz Ermənistanın suverenliyini və ərazi bütövlüyünü tanıyırıq və onların da bizə qarşı eyni münasibət bəsləməsini istəyirik”, - o qeyd edib.
Səfir Qarabağın erməni sakinlərinin çoxmillətli ölkədə məskunlaşmasına Azərbaycan tərəfindən heç bir maneənin olmadığını vurğulayıb. Diplomat onların Azərbaycan cəmiyyətinə reinteqrasiyası planlarından da danışıb:
“Əgər Qarabağı könüllü olaraq tərk edən erməni sakinlər geri qayıtmaq istəsələr, qapımız üzlərinə açıqdır”.
Səfir xatırladıb ki, Azərbaycan da vəziyyəti yerində qiymətləndirmək üçün BMT missiyasını Qarabağa dəvət edib:
“Onlar oktyabrın 1-də regiona səfər ediblər və öz hesabatlarında mülki infrastruktura heç bir ziyan dəymədiyini qeyd ediblər”.
