AZ
RU
Müsavatçı deputatın namizədliyi qeydə alınmadı
Müsavat partiyası İmişli rayon təşkilatının sədri, sabiq millət vəkili İltizam Əkbərlinin 79 saylı İmişli Dairə Seçki Komissiyası tərəfindən deputatlığa namizədliyi qeydə alınmayıb.
"Xeberinfo.com": Məlumata görə, bu barədə Strateq.az-a İmişlidən məlumat daxil olub.
Məlumatda bildirilir ki, sabiq deputat DSK-nın qərarından MSK-ya şikayət edəcək.
Yada salaq ki, bir neçə gün əvvəl İltizam Əkbərli namizədliyinin qeydə alınmaması üçün rayonun icra başçısı Vilyam Hacıyevin təzyiqləri ilə üzləşdiyini bəyan edib. O, mətbuata açıqlamasında hətta namizədliyini geri götürülməsi üçün icra başçısının ona böyük məbləğdə pul təklif etdiyini də iddia edirdi.
Yeri gəlmişkən, onu da qeyd edək ki, həmin dairədən YAP-ın namizədi biznesmen-deputat Əsabil Qasımovdur.
.jpg)
