AZ
RU
Banklar kreditləşməni dayandırdılar
Bank sektorundakı problemlər onlar tərəfindən təklif edilən maliyyə xidmətlərinin minimallaşdırılmasına gətirib çıxarıb.
Xeberinfo.com: Xüsusilə kredit portfelini kiçildən banklar təklif etdikləri kredit məhsullarının sayını azaldıblar. Məsələn, əhalinin daha çox mütaciət etdiyi Lombard kreditləri bu gün əksər bankların xidmət səbətlərindən çıxarılıb. Əgər ilin əvvəlində 17 bank Lombard krediti təklif edirdisə, hazırda bu rəqəm dördə düşüb.
Fins.az-ın araşdırmasına görə, “Azər-Türk Bank”, “Muğanbank”, “Rabitə Bank”, “AmrahBank”, “AGBank”, “Nikoil Bank”, “Beynəlxalq Bank” Lombard kreditlərini dayandırıblar. “AmrahBank”, “AGBank “, “Nikoil Bank” isə ümumiyyətlə kreditləşməni dondurublar.
Hazırda bazarda aktiv lombard kredit təklifləri aşağıdakı banklardadır:
| Bankın adı | Məbləğ | Müddət | % dərəcəsi | Komisyon vəxərclər | Məbləğin girova nisbəti |
| Bank Respublika | 15 000 AZN | 18 ay | 29 % | 1% | 70% |
| Turanbank | 10 000 AZN | 6-24 ay | 29-36% | 1% | 60%-i |
| Exspress Bank | 500-10000 AZN | 24 ay | 36% | 3.3% | 80%i |
| DəmirBank | 30 000 AZN | 3-36 ay | 28%-dən başlayaraq | 3.3% | 100% |
