Redaktor seçimi
“Veysəloğlu”nun toz basmış vitrinləri…- Şirkətin sahibi Aydın Talıbov kimdir ? -
Goranboy Rayon Mədəniyyət Sektorunda İsax Məmmədov hakimi-mütləqliyi:
Səfərbərlik və Hərbi Xidmətə Çağırış üzrə Dövlət Xidmətinə xatırlatma:
Siqaret və dərman oliqarxı: Cavanşir Feyziyev Londonda itirdiyini Gürcüstanda qazanır –
Gəncə Dövlət Universitetinin rektoru prezidentin əleyhinə gedir(?):
Ağalar Vəliyev üçün yolun sonu göründü: "Qobu Park" rəzilliyi onun deputat karyerasını bitirir -
RAMİN ABDULLAYEVİN “GÖYDƏLƏN” BİZNESİ -
Şahmar İbadovun dövlətə meydan oxuması -
Günün xəbəri

İsrail HƏMAS-a atəşkəs təklif etdi : İsrail qoşunları Qəzzadan çıxır?

 

İsrail hakimiyyəti HƏMAS-a hərəkat tərəfindən saxlanılan bütün girovların azad edilməsi müqabilində hərbi əməliyyatların dayandırılmasını nəzərdə tutan razılaşma təklifi təqdim edib. Bu barədə “Axios” nəşri iki İsrail rəsmisinə istinadən məlumat verib.  

Yenixeber.org: “İsrail Qətər və Misir nümayəndələrinin vasitəsilə HƏMAS-a iki aya qədər hərbi əməliyyatların dayandırılmasını nəzərdə tutan təklifi çatdırıb”, - deyə məlumatda bildirilib.

Qeyd edilib ki, bu, Qəzzada saxlanılan bütün qalan girovların azad edilməsini nəzərdə tutan çoxmərhələli razılaşmanın bir hissəsinə çevrilə bilər.

Razılaşma sağ qalan bütün girovların azad edilməsi və ölənlərin cəsədlərinin bir neçə mərhələdə qaytarılmasını nəzərdə tutur. Birinci mərhələdə qadınların, 60 yaşdan yuxarı kişilərin və vəziyyəti ağır olan girovların azad edilməsi təklif edilir.

Növbəti mərhələlərdə qadın əsgərlərin, əsgər olmayan və yaşı 60-dan yuxarı olan kişilərin, İsrail kişi əsgərlərin azad edilməsi və girovların cəsədlərinin təhvil verilməsi nəzərdə tutulur.

Razılaşmanın şərtlərinə görə, İsrail və HƏMAS hər bir israilli girov üçün azad ediləcək fələstinli məhbusların sayını əvvəlcədən razılaşdıracaq, ardınca isə məhbusların adları ilə bağlı ayrı-ayrı danışıqlar aparılacaq.

Təklif, həmçinin İsrail qoşunlarının anklavın əsas yaşayış məntəqələrindən çıxarılmasını və fələstinli mülki şəxslərin Qəzza şəhərinə və şimal zolağına tədricən qayıtmasına icazə verilməsini də əhatə edir.


Facebook-da paylaş

Yeni xəbərlər

Reklam

Reklam