AZ
RU
London Moskvanı ittiham edib-SƏBƏB
Rusiyaya bağlı hakerlər Böyük Britaniya, ABŞ və Kanadada COVID-19 əleyhinə peyvəndin işlənib hazırlanması barədə məlumatları oğurlamağa cəhd göstərib.
Yenixeber.org: “RİA Novosti” xəbər verir ki, bu barədə Birləşmiş Krallığın Kibertəhlükəsizlik Mərkəzi məlumat yayıb.
“Böyük Britaniyanın Milli Kibertəhlükəsizlik Mərkəzi və Kanadanın Rabitə Təhlükəsizliyi Təşkilatı APT29-u (həmçinin “Dukes” və “Cozy Bear” də kimi tanınır – red.), böyük ehtimalla, Rusiya kəşfiyyatının bir hissəsi olan kibercasusluq qrupu olaraq qəbul edir. ABŞ Milli Təhlükəsizlik Agentliyi də bu dəyərləndirmə ilə razılaşır. 2020-ci il ərzində APT29 Kanada, ABŞ və Britaniyada COVID-19 əleyhinə peyvəndin hazırlanması ilə məşğul olan müxtəlif təşkilatlara kiberhücumlar edib”, - Mərkəzin açıqlamasında bildirilir.
Qeyd olunub ki, haker qrupu təşkilatlara hücum etmək üçün “WellMess” və “WellMail” adlı zərərli proqramlardan istifadə edib.
.jpg)
