AZ
RU
Belçika Baş naziri: Rusiya aktivlərinin müsadirəsi sülh perspektivlərini məhv edə bilər
Belçika Baş naziri Bart De Vever Avropa İttifaqının dondurulmuş Rusiya aktivlərindən istifadə planının sürətlə həyata keçirilməsinin sülh sazişinə nail olmaq imkanlarını təhlükə altına ata biləcəyini bildirib.
Yenixeber.org xəbər verir ki, bu barədə Financial Times məlumat yayıb.
Siyasətçinin Avropa Komissiyasının sədri Ursula fon der Lyayenə ünvanladığı məktubda vurğulanır ki, hələ həllini tapmamış hüquqi və maliyyə məsələləri sülh prosesinə dəstək səylərini zədələyə bilər.
Sənəddə De Vever “reparasiya krediti” mexanizminin sürətlə irəli aparılmasının siyasi baxımdan mənfi nəticələr doğura biləcəyini xüsusi qeyd edib.
