Bəzi NATO ölkələri Rusiyadan qorxur -Zelenski
Ukraynanın gələcəkdə NATO-ya üzvlüyü ilə bağlı hər hansı siqnal olmasa, ölkəni iyulda Vilnüs şəhərində keçiriləcək sammitdə iştirak etməsi məqsədəuyğun deyil.
Yenixeber.org: Bunu Ukrayna Prezidenti Volodimir Zelenski “The Wall Street Journal”a müsahibəsində bildirib.
"Əgər bizi NATO-da görmürlərsə və Vilnüsdə bizə hansısa siqnal vermirlərsə, Ukraynanın bu sammitlə heç bir əlaqəsi yoxdur”, - Zelenski deyib.
O qeyd edib, bəzi NATO ölkələri Rusiyadan çəkinir.
"Mən inanıram ki, bəzi NATO ölkələri Rusiyadan o qədər qorxurlar ki, Ukraynanı Alyansda görməyə hazır deyillər", - Zelenski vurğulayıb.
Qeyd edək ki, gələn ay Litvanın Vilnüs şəhərində NATO liderlərinin sammiti keçiriləcək.