AZ
RU
Sənədi Ermənistanın "Humanitar Minatəmizləmə və Ekspertiza Mərkəzi" və Tehranın Minatəmizləmə mərkəzinin nümayəndələri imzalayıblar. Ermənistanın "Humanitar Minatəmizləmə və Ekspertiza Mərkəzi"nin mətbuat xidmətinin yaydığı məlumatda qeyd olunur ki, İranın aidiyyəti qurumunun direktor Məhəmməd Hüseyn Əmir Əhmədinin rəhbərlik etdiyi heyət mərkəzi ziyarət edib.
İranlı nümayəndələr qurumun fəaliyyəti və imkanları ilə tanış olublar, həmçinin sahələrdə praktiki təlimləri izləyiblər.
"Direktoru Vahinak Sarkisyan İrəvanla Tehran arasında minalardan müdafiə sahəsində əməkdaşlığın genişləndirilməsinin vacibliyini qeyd edib. Öz növbəsində, Əhmədi Ermənistandakı görüşün tərəfdaşlığın gələcək inkişafı üçün əsas olacağına ümid etdiyini bildirib. O, həmçinin qeyd edib ki, İran tərəfi genişmiqyaslı və uzunmüddətli əməkdaşlığa hazırdır. Həmsöhbətlər qarşılıqlı maraq doğuran məsələləri müzakirə edib, İranın beynəlxalq təlim mərkəzində erməni mütəxəssislərin hazırlanması imkanlarını nəzərdən keçiriblər", - məlumatda yazılıb.
