Minlərlə London sakinləri iranlı etirazçılarla həmrəy olaraq küçələrə axışıb.

“Yenixeber.org” “euronws”-a istinadən xəbər verir ki, Mərmər tağına toplaşanlar əllərində İranın inqilabdan əvvəlki bayraqları və İslam Respublikası hakimiyyəti tərəfindən hökumət əleyhinə etirazların sərt şəkildə yatırılmasını tənqid edən plakatlar tutublar.

Bazar günü Britaniya paytaxtı da düz 3 il əvvəl İranın hava hücumundan müdafiəsi tərəfindən vurulan Ukraynanın Boeing təyyarəsinin həlak olan sərnişinlərini yad edib.

Fransanın üçüncü böyük şəhəri Lionda nümayişçilər vətənində insan haqlarının pozulmasına etiraz olaraq siyasi intihar edən iranlıya ehtiramlarını bildiriblər. Terro Meydanında eşidilənlər belədir: "Körpüdən Rona çayına düşən həmyerlimizin adı Məhəmməd idi, İranda asılanlardan birinin adı da eyni idi. Onun cəmi 22 yaşı var idi. Bilirsiniz, bu rejimin qurbanına çevrilən nə qədər gənc var?”

“Ayıb olsun!”, “Fransa, düşmənçiliyi dayandır!” – bu cür şüarlarla narazı iranlılar 5-ci respublikanın Tehrandakı səfirliyi qarşısına çıxıblar.

AFR-in məlumatına görə, əsasən şiə seminariyalarının tələbələrinin iştirak etdiyi aksiyaya səbəb “Charlie Hebdo” satirik həftəlik jurnalında Ayətullah Əli Xamneyinin yeni karikaturalarının dərci olub.