AZ
RU
Azərbaycan Premyer Liqasında legioner limiti və əvəzetmə sayı dəyişdirilməyib
Azərbaycan Premyer Liqasında legioner limitinin 6+5 sistemi ilə tətbiqi davam etdiriləcək.
Yenixeber.org: Bu barədə AFFA İcraiyyə Komitəsi qərar qəbul edib.
Bundan əlavə, Premyer Liqada gənc futbolçular üçün yaş limiti ləğv olunub. Çempionatda əvəzetmə sayı da dəyişdirilməyib (3 əvəzetmə sayı saxlanılıb).
2022/2023 mövsümündən klublar sifariş ərizəsinə 14 legioner futbolçu daxil edə bilər. 14 legionerdən əlavə hər legioner üçün sifariş ödənişi 50.000 (əlli min) AZN müəyyənləşdiriləcək.
2023/2024 mövsümündən etibarən klublar sifariş ərizəsinə 12 legioner futbolçu daxil edə biləcək. 12 legionerdən əlavə hər legioner üçün sifariş ödənişi 50.000 (əlli min) AZN müəyyənləşdirilsin.
