AZ
RU
Vətəndaş Həmrəyliyi Partiyası ötən ili zərərlə başa vurub-STATİSTİKA
Vətəndaş Həmrəyliyi Partiyası (VHP) 2021-ci ili 21 min manat zərərlə başa vurub. Halbuki, Partiya 2020-ci ildən 23 min manat mənfəətlə çıxmışdı.
Yenixeber.org: Bu barədə VHP-nin Mərkəzi Seçki Komissiyasına təqdim etdiyi maliyyə hesabatında ideyilir.
Ötən il VHP-yə dövlət büdcəsindən əvvəlki illə müqayisədə 2% az – 256 min manat vəsait ayrılıb. Bununla belə, Partiyanın xərcləri 16% çox – 277 min manat təşkil edib.
Bu il yanvarın 1-nə VHP-nin aktivləri 6 min manat təşkil edib ki, bu da ötən il yanvarın 1-nə nisbətən 4 dəfə azdır. Hesabat dövründə Partiyanın öhdəlikləri təxminən 50% artaraq 4 min manata çatıb, balans kapitalı isə təxminən 10 dəfə azalaraq 2 min manata düşüb.
Xatırladaq ki, VHP 26 sentyabr 1992-ci ildə yaradılıb, 3 noyabr 1992-ci ildə Ədliyyə Nazirliyində dövlət qeydiyyatına alınıb. Onun sədri Milli Məclisin üzvü, xalq şairi Sabir Rüstəmxanlıdır.
.jpg)
