AZ
RU
Bu dövlətlər birgə hərbi təlimlərə başlayıb-FOTOLAR
Çin və Rusiya silahlı qüvvələri Çinin şimalındakı Ninqskia Huy Muxtar Bölgəsində birgə hərbi təlimlərə başlayıblar.
Yenixeber.org: Çinin xəbər agentliyi "Xinhua”nın yaydığı xəbərə görə, təlim iki ölkə arasında terrorla mübarizədə birgə əməliyyat tədbirlərini möhkəmləndirməyə istiqamətlənib.
Əməkdaşlığın həm regional, həm də beynəlxalq sülh və sabitliyi təmin etməyi hədəflədiyini ifadə edən Çin hərbi rəsmiləri, Çin-Rusiya hərtərəfli strateji tərəfdaşlığı çərçivəsində ölkələr arasında qarşılıqlı etimadın, praqmatik əməkdaşlığın, eləcə də koordinasiyanın inkişafı üçün vacib olduğunu vurğulayıblar.
Təlimin Çinin ABŞ-ın Əfqanıstandan çəkilməyə başladıqdan sonra ölkədə artan şiddət və qeyri -sabitliyin sərhəd bölgələrinə təsir edəcəyindən narahat olduğu bir dövrə təsadüf etməsi də diqqət çəkir.
Qeyd edək ki, Çinin şimal -qərbindəki Sincan Uyğur Muxtar Bölgəsində Əfqanıstanla dar bir sərhəd koridoru yerləşir.
.jpg)
