Çinin Tacikistanın Bədəxşan bölgəsində gizli hərbi baza qurması Tacikistan, Əfqanıstan və Çin üçbucağında yerləşən strateji Vəkxan korridoruna nəzarəti ələ keçirməsi zərurətindən irəli gəlir.

Yenixeber.org: Dünyanın ən ucqar məkanlarından Cənub-şərqi Asiyanın “tavanı” olan Vəkxan korridorunda iki supergüc – Çin və ABŞ qarşı-qarşıya gəlib. Vaşinqtonun Pekin hökumətinin bütün Avrasiyanı ehtiva edən “Tək qurşaq, tək yol” layihəsinin qarşısını almaq üçün ortaya qoyduğu strategiya çərçivəsində İraq və Suriyadakı İŞİD terror təşkilatını Əfqanıstanın içərisinə və Fərqanə vadisinə doğru çəkməyə başlayıb. Pekin də bu addıma cavab olaraq Əfqanıstanda gizli hərbi baza qurub. Amerika mətbuatı bu bazanın ən 3 ildir ki, fəaliyyət göstərdiyini iddia edir.

Bazanın 2 binası və xeyli sayda gözətçi qalası olduğu ehtimal edilir. Çin və Tacikistan simvollarını özündə əks etdirən binalar xüsusilə tədbirlərlə qorunur. Peykdən çəkilən görüntülərdə binaların həyətindəki təlim mərkəzləri də diqqət çəkir. Bazadakı əsgərlər Çinin Sincan-uyğur muxtar bölgəsinin əsgərlərinin emblemlərini daşıması xüsusi diqqət çəkir.

“Vaşinqton Post”un bazada xidmət edən çinli əsgərə istinadən verdiyi informasiyaya görə, Vəkxan korridorunda keçidlərə bu günə qədər xeyli sayda müdaxilələr edilib.