ABŞ-ın Yale Universiteti tərəfindən hazırlanmış fərdiləşdirilmiş xərçəng peyvəndi böyrək xərçəngindən əziyyət çəkən 9 xəstənin tam sağalmasını təmin edib.

Yenixeber.org: Xərçəngin müalicəsində əsaslı bir inkişaf var ! Yale Universiteti tərəfindən hazırlanmış eksperimental fərdiləşdirilmiş xərçəng peyvəndi 9 böyrək xərçəngi xəstəsində bütün şişləri məhv etdi. Üç il izlənilən xəstələrdə xəstəliyin geri qayıtmadığı məlum olub.

Dailymail-də yer alan xəbərə görə, 2019-2021-ci illər arasında tətbiq edilən peyvənd, cərrahi müdaxilədən sonra qalan xərçəng hüceyrələrini hədəf alaraq, sağlam toxumalara zərər vermədən məhv edib.

Yale Xərçəng Mərkəzi və Dana-Farber Xərçəng İnstitutu tərəfindən hazırlanmış peyvənd xüsusi olaraq hər bir xəstənin bioloji xüsusiyyətlərinə uyğunlaşdırılaraq, immunitet sisteminin yalnız şişə xas mutasiyaları tanımasını və məhv etməsini təmin edir.

Böyrək xərçənginin ən ölümcül növlərindən biri olan şəffaf hüceyrəli böyrək hüceyrəli karsinoma (ccRCC) diaqnozu qoyulan xəstələrin 85-90 faizində ölümlə nəticələnir. Lakin bu yeni peyvənd xəstəliyin geri qayıtmasının qarşısını almaq üçün böyük vədlər verir.

9 xəstə cəmi 7 doza peyvənd aldı.
Xəstələrin immun sistemləri xərçənglə əlaqəli mutasiyaların 65 faizinə qədərini tanıyıb və onlara cavab verib.
Peyvənd xəstəliyin geri qayıtmasının qarşısını tamamilə aldı.
Heç bir ciddi əlavə təsir müşahidə edilmədi, yalnız yüngül qripə bənzər simptomlar bildirildi.

Peyvənd immunitet sisteminə xərçəng hüceyrələrini tanımağa imkan verən “neoantigenlər” adlı zülal fraqmentlərindən istifadə edilməklə hazırlanıb. Hər bir xəstənin şişlərini genetik olaraq təhlil edərək, xərçəngə xas zülallar müəyyən edildi və fərdi immun cavabı yaratmaq üçün onları tanıyan peptidlər sintez edildi.

Dr. “T-hüceyrələrinin güclü və uzunmüddətli immun reaksiyası qurduğunu görmək çox ruhlandırıcıdır. Bu, xərçənglə mübarizədə immun reaksiyasını davamlı edə biləcəyimizin göstəricisidir” dedi Braun.

Tədqiqatın nəticələri elm dünyasının ən nüfuzlu jurnallarından biri olan Nature jurnalında dərc olunub. Bununla belə, vaksinin dəqiq effektivliyini müəyyən etmək üçün daha geniş miqyaslı testlərə ehtiyac var.

Bu mərhələdə vaksin immun sistemini gücləndirən Keytruda (pembrolizumab) adlı dərmanla sınaqdan keçirilir. Uğurlu olarsa, xərçəng müalicəsində inqilabi bir addım olacaq.