Ermənistan Baş naziri Nikol Paşinyanın KTMT-nin Minskdə keçirilən sammitinə qatılmaqdan imtina etməsi Rusiya mediasının gündəmini zəbt edib.

Yenixeber.org: Bugünkü toplantı çərçivəsində rus mediası və politoloqlarının diqqəti Ermənistanın siyasi istiqamətini əsaslı şəkildə dəyişdirməsi istiqamətinə yönəlib.

Eyni zamanda, Ermənistanın Roma Statutunu ratifikasiya etdikdən sonra Putinin İrəvana gedib-getməyəcəyi də müzakirə mövzusudur.

Rusiya Prezidentinin köməkçisi Yuri Uşakov jurnalistlərin Rusiya liderinin Ermənistana gedib-getməyəcəyi ilə bağlı sualına yalnız bircə sözlə cavab verib: “Haçansa”.

Uşakovun jurnalistlərin KTMT-nin Minskdə keçirilən bugünkü sammitində Ermənistanı kiminsə təmsil edib-etməməsi ilə bağlı suala verdiyi cavab isə daha maraqla qarşılanıb. Uşakov bu sualı ingiliscə “Nobody” (heç kim) deyə cavablandırıb.

Uşakovun niyə ingiliscə cavab verməsi isə müzakirə doğurub: bu, Ermənistanda vəziyyətin artıq “rusca” deyil, “ingiliscə” olduğunamı işarədir?(Axar)