AZ
RU
Türkiyə “S-400”- lərin ikinci partiyasının alınmasını ləngidir –Səbəb açıqlandı
Yenixeber.org: Türkiyədə nəşr olunan “Aydınlıq” qəzetinə istinadla xəbər verir ki, Ankara kompleksin üçüncü ölkələrə satılmasını qadağan edən müddəa ilə razılaşmır.
“Türkiyə Rusiyadan “S-400” Zenit-Raket Kompleksinin ilk partiyasını alıb, lakin real imtiyazlar əldə edəcəyi ikinci mərhələ hələ başlamayıb. 2017-ci ildə imzalanmış müqavilədə iki partiya kompleksin Türkiyəyə satılması nəzərdə tutulub.
Müqaviləyə əsasən, birinci partiya birbaşa satınalma, ikinci partiya isə texnologiya mübadiləsi, birgə istehsal və proqram təminatının inteqrasiyası kimi tələblərə cavab verməli idi” – deyə,Türkiyə mediası yazır.
Qeyd olunur ki, Ankara müqavilənin bir bəndinə - üçüncü ölkələrə satış qadağasına etiraz edir.
Xatırladaq ki, Rusiya və Türkiyə 2017-ci ildə “S-400” Zenit-Raket Kompleksinin alınması ilə bağlı 2,5 milyard dollar dəyərində ilk müqavilə imzalayıb. Birinci partiyanın Ankaraya təhvili 2019-cu ilin yay-payız aylarında həyata keçirilib.
.jpg)
