AZ
RU
Primatlara insan hüquqları verilə bilər
Yenixeber.org: İsveçrə kantonu (kanton federativ dövlət kimi İsveçrənin ərazi quruluşudur) Bazel-Ştad insanabənzər meymunlara həyat üçün fundamental hüquqlar vermək üçün səsvermə keçirməyə hazırlaşır.
AzNews.azThe Local nəşrinə istinadən xəbər verir ki, referendumla bağlı təklifi İsveçrə analitik mərkəzi tərəfindən irəli sürülüb.
Bu təşəbbüsün əsas məqsədi həyat üçün önəmli hüquqların, həmçinin həm psixoloji, həm də fiziki toxunulmazlığın təmin edilməsidir. İnsanabənzər heyvanlara şimpanze, oranqutanq və bonobo aiddir.
Analitik mərkəz bildirdi ki, bu təklif sayəsində Bazeldə bu canlıların kütləvi ölümünün qarşısı alınacaq. Bazel güclü İsveçrə əczaçılıq sənayesi kimi ixtisaslaşmış şəhərdir.
2016-cı ildə bu mərkəz bəyan etmişdi ki, bu canlılar çox ağıllıdır, plan qura və hadisələri yadda saxlaya bilərlər. Onlar həmçinin əzab çəkmək və şəfqət hisslərinə malikdirlər.
Hal-hazırda mərkəz referendumun keçirilməsi üçün lazım olan imzaları toplamağa davam edir.
.jpg)
