AZ
RU
Pirallahı Sənaye Parkı əczaçılıq preparatları istehsalının mərkəzinə çevrilə bilər
Azərbaycanın Pirallahı Sənaye Parkı əczaçılıq preparatlarının yerli istehsalı üzrə mühüm mərkəz ola bilər.
Yenixeber.org: Bunu Alman-Azərbaycan Xarici Ticarət Palatasının icraçı direktoru Tobias Baumann deyib.
O bildirib ki, Almaniyanın əczaçılıq şirkəti bu sektorda maraqlıdır və 2019-2020-ci illərdə Azərbaycan bazarına çıxmaq imkanlarını öyrənir, bazarı müşahidə edir.
T.Baumann vurğulayıb ki, Almaniya İsveçrə və Türkiyə ilə birgə dünyada dərman preparatlarının mühüm tədarükçü ölkələrindən hesab olunur.
2016-cı ildə yaradılmış park məhz əczaçılıq məhsullarının istehsalı üzrə ixtisaslaşdırılır. Burada digər sənaye parklarında olduğu kimi, investorlar 7 il müddətinə müxtəlif vergi və gömrük rüsumlarından azad edilib.
Hazırda Pirallahı Sənaye Parkında 4 rezident fəaliyyət göstərir - Azərbaycan-Rusiya birgə zavodu "Hayat Pharm", Azərbaycan-İran zavodu "Caspian Pharmed", "Diamed Co" və IFFA şirkətlərinin zavodları. Bu müəssisələrin tikintisi davam edir.
