Azərbaycanla bağlı daha bir paylaşım türkiyəli müğənni Mustafa Cecelidən gəlib.

Yenixeber.org: Sənətçi əvvəlcə Azərbaycan və Türkiyə bayraqlarını yayımlayaraq "Vaxtı gəlmişdi. Allah qələbə nəsib etsin" sözlərini yazıb.

Daha sonra isə Ceceli ermənilərin Gəncədə törətdiyi terrondan yazıb. "Bir ovuc axmaq öz sonunu hazırlayır. Bütün dünya da bunu səsiz izləyir. 10 aylıq uşağın qatillərinin axıtdığı qan yerdə qalmayacaq. Başın sağ olsun Azərbaycan" deyə, müğənni qeyd edib.

Ötən gün İstanbulun Etiler səmtində restorandan çıxarkən obyektivlərə tuş gələn Mustafa jurnalistlərə açıqlama verib. O, yenə də işğalçı Ermənistanın Azərbaycanda mülki əhalini atəşə tutmasından danışıb.

Ceceli "Uşaqları öldürən insan deyil. 10 aylıq uşağı öldürüb, sonra da çıxıb "azadlıq" deyə bağıra bilməzsən. Azərbaycandakı dostlarıma tez-tez zəng edirəm, qəlbim onların yanındadır" sözlərini deyib.