AZ
RU
Hakim Mahir Muradovun sürücüsü dəmir yolunun ərazisində obyekt tikdirir- FOTO+VİDEO
Bakının Sabunçu rayonu ərazisində dəmir yolu xəttinin təhlükəsizlik zolağında yenidən tikinti işlərinə başlanıb.
Yenixeber.org: Həmin ərazidə avtoyuma məntəqəsi tikilir.
Bir neçə gün əvvəl obyekt üçün beton özüllər tökülsə də, aidiyyatı qurumların müdaxiləsindən sonra tikinti dayandırılmışdı. Bu gün isə həmin əraziyə tikinti materialları gətirib, tikintiyə start verilib.
Bir neçə gün əvvəl Bakıxanov qəsəbəsi, Y.Əliyev küçəsində yerləşən Uğur-2 yaşayış kompleksinin sakinləri deyir ki, bir müddət əvvəl həmin zolaqdakı boş sahədə öz hesablarına ağaclar əksələr də, dəmir yolunun işçiləri tərəfindən məhv edildi. Sakinlər bildirmişdi ki, həmin ərazi təhlükəsizlik zolağıdır, orada ağac əkmək də gələcəkdə onların işinə mane ola bilər. Hətta Azərbaycan Dəmir yolları QSC-nin həmin ərazidə yerləşən trestinin rəhbəri də sakinlərlə görüşərək həmin ərazidə ağac əkməyin qanunsuz olduğunu, gələcəkdə baş verə biləcək hər hansı fövqəladə hadisənin qarşısını almaqda problem yarada bilər. Ağacların məhv edilməsi "Nədənsə həmin ərazidə boyük avtoyuma məntəqəsinin tikilməsinə icazə verilib. Əldə etdiyimiz məlumata görə, obyekti tikdirən vəzifəli şəxsin sürücüsüdür. Görünür, məmur sürücüsünün nüfuzu qanunları və təhlükəsizlik məsələsini arxa plana keçirə bilir. Biz sakinlər bu işi rahat buraxan deyilik. Azərbaycan Dəmir Yolları İdarəsinin rəhbəri Cavid Qurbanova da müraciət edəcəyik. Bizə maraqlıdır ki, qanunları tapdalayan Cavid Qurbanovdur, yoxsa onun işçiləri"-deyə sakinlər bildirmişdi.
Sabunçu rayon İcra Hakimiyyəti başçısının Sabunçu qəsəbəsi üzrə nümayəndəsi Arif Osmanov bildirdi ki, həmin ərazi Azərbaycan Dəmir yolları QSC tərəfindən Natiq Əmirova icarəyə verilib.
Məsələ ilə bağlı Azərbaycan Dəmir Yolları məlumatlandırılıb.
N.Əmirov Konstitutsiya Məhkəməsinin hakimi Mahir Muradovun sürücüsüdür.(criminal.az)
.jpg)
