AZ
RU
.jpg)
SEVDALIYAM BU HƏYATA
Nə dolmusan, ey buludum,
Hönkür – könkür ağlasana.
Gözlərimdə yaşa dönüb,
Bulaq kimi çağlasana.
Selə dön, tufan qopar,
Yu, təmizlə ürəyimi.
Ah – naləmi gəl, yu apar,
Bitir mənim diləyimi.
Qoy bu könül sənə desin;
Dərd var ikən, bitən deyil.
Üz çevirib, getsən belə,
Taleyindi, itən deyil.
Ağla, bulud, ağlasan da,
Könlümü sən dağ – dağ edib
Dərdə - qəmə bağlasan da,
Sevdalıyam bu həyata,
Sevdalıyam bu həyata.
TƏRANƏ ŞƏMS.
