AZ
RU
Baş nazir:Belçika ukraynalı pilotlara F-16 qırıcıları ilə bağlı təlim keçməyə hazırdır
Belçika ukraynalı pilotlara F-16 qırıcıları ilə bağlı təlim keçməyə hazırdır, lakin təyyarələri hazırda Kiyevə transfer edə bilmir.
Yenixeber.org: Bu barədə Belçikanın “DeMorgen” nəşri məlumat yayıb.
Baş nazir Aleksander De Croonun ofisindən bildirilib ki, F-16 məsələsi bu ayın əvvəlində Haaqa sammiti çərçivəsində Prezident Vladimir Zelenskinin Niderland və Belçika Baş nazirləri ilə görüşündə müzakirə edilib.
“Biz təyyarələri göndərə bilmirik, lakin pilotlara təlim keçə bilərik”, - Belçika Baş naziri ofisinin məlumatında qeyd olunub.
Nəşrin məlumatında bildirilib ki, Belçika Hərbi Hava Qüvvələri (HHQ) F-16 qırıcılarını ötən əsrin 70-ci illərindən istifadə edirlər, bu baxımdan ukraynalı pilotlara təlim keçilməsi ilə bağlı problem yoxdur. Lakin hazırda Belçika HHQ-nin bütün F-16 qırıcılarından istifadədə olunub, ona görə də Belçikanın sözügedən təyyarələri onlara verilən tapşırıqlarından ayıra bilmir.
