AZ
RU
Türkiyənin Rusiyadan aldığı S-400 zenit raket kompleksinin ilk hissəsinin Ankaraya təhvil verilməsinə başlanılıb.
Yenixeber.org: Bununla bağlı, Türkiyə Müdafiə Nazirliyi məlumat yayıb.
Rusiyalı mütəxəssislərlə birlikdə, S-400-ləri gətirən təyyarələr Malatya və Ankaraya enib.
Qeyd edək ki, Türkiyənin Rusiyadan S-400 zenit-raket kompleksi alması ABŞ-ın ciddi narazılığına səbəb olub.
Yeni Amerika Təhlükəsizliyi Mərkəzi”nin (“Centre for a New American Security”) elmi əməkdaşı Nikolas Eras (Nicholas Heras) isə Türkiyənin S-400 almasını, hava müdafiə straqtegiyası baxımdan “oyun dəyişdirən” bir həmlə olaraq dəyərləndirilib.
NATO-nun səlahiyyətli şəxsləri belə açıqlama verib:
“Əməliyyatların və vəzifələrin icrasında hərbi güclərimizin koordinasiya olaraq çalışması həyati əhəmiyyətdədir”.
Nikolas Eras da bununla bağlı mətbuata açıqlama verib: “Ərdoğanın Türkiyəni bir ‘Avrasiya” gücü olaraq göstərməsi sirr deyil. Bu da Türkiyənin, ABŞ və NATO ilə olduğu qədər Çin və Rusiya ilə də əlaqələrini balanslaşdırmağa ehtiyacı olduğu mənasını verir. Türkiyənin sonsuza qədər Amerika düşərgəsində qalacağının zəmanəti yoxdur”.(apa)
.jpg)
.jpg)
