Sabiq polislər cinayət başında yaxalandılar
2014-cü il dekabrın 9-da paytaxtın Nizami rayonunda yerləşən "Göy bazarı" adlanan ərazidə polisin geyim formasında olan bir neçə şəxsin satıcılardan pul tələb etməsi barədə Daxili İşlər Nazirliyinə məlumat daxil olub.
"Xeberinfo.com": Daxili İşlər Nazirliyinin mətbuat xidmətindən verilən məlumata görə, dərhal həyata keçirilən tədbirlərlə məlumat təsdiqlənib və həmin şəxslər saxlanılib.
Araşdırmalarla polisin işgüzar nüfuzuna xələl gətirərək qanunazidd hərəkətlərə yol verənlərin Nizami Rayon Mühafizə İdarəsinin keçmiş polis nəfərləri Hidayət Allahverdiyev və Nazim Əliyev olduqları müəyyən edilib.
Onların əməllərində CM-nin 310-cu (“Vəzifəli şəxsin səlahiyyətlərini mənimsəmə") maddəsində nəzərdə tutulan cinayətin əlamətləri olduğundan toplanmış materiallar hüquqi qiymət verilməsi üçün aidiyyəti üzrə prokurorluğa göndərilib.