AZ
RU
İran Fars körfəzində keçirilən təlimlərdə süni intellekt elementli raketlər tətbiq edib
İran İslam İnqilabı Keşikçiləri Korpusunun (SEPAH) Hərbi Dəniz Qüvvələri ötən həftə Fars körfəzində başlayan hərbi-dəniz təlimlərində süni intellekt elementləri olan hava-səth sinifli raketlər tətbiq edib.
Yenixeber.org xəbər verir ki, bu barədə “Agence France-Presse” məlumat yayıb.
Təlimlər zamanı İranın sahildəki neft-kimya və neft müəssisələrinin, həmçinin "Buşehr" atom elektrik stansiyasının dənizdən müdafiəsi üzrə əməliyyatlar məşq edilir.
SEPAH Hərbi Dəniz Qüvvələrinin komandiri Əlirza Tanqsirinin sözlərinə görə, İran 1000 kilometrdən artıq məsafəyə uçuş qabiliyyəti olan süni intellekt texnologiyalı qanadlı raketlər istehsal edir.
"Buşehr" AES Rusiyanın köməyi ilə İranın cənubunda tikilir. 2011-ci ilin sentyabrında birinci enerji bloku şəbəkəyə qoşulub, 2014-cü ilin noyabrında AES-in ikinci və üçüncü enerji bloklarının tikintisinə dair müqavilə imzalanıb. Onların müvafiq olaraq 2025-ci və 2027-ci illərdə istismara verilməsi planlaşdırılır.
.jpeg)
