AZ
RU
Trampın Ukrayna planından YENİ XƏBƏR: yaza qədər...
ABŞ prezidenti Donald Tramp Ukraynadakı müharibəni 2025-ci ilin yazına qədər dayandırmağı planlaşdırır.
Yenixeber.org: Bu barədə "The Independent" qəzeti yazır.
Nəşrin mənbəsi qeyd edib ki, Trampın Ukraynaya dəstəyi zəiflədə biləcəyi və ya Kiyev üçün əlverişsiz olan kompromislərə gedə biləcəyi barədə fikirlər səhvdir.
“Ukraynadakı vəziyyətdən narahat olanlar Trampın andiçmə mərasimində David Araxamiyanın (Ukrayna Ali Radasındakı hakim fraksiyasının rəhbəri - ) iştirakına diqqət yetirməlidirlər. Bu, Donald Trampın Ukrayna üçün sərfəli sövdələşmə əldə etmək niyyətini nümayiş etdirən çox mühüm addımdır”, - mənbə bildirib.
Qəzet qeyd edir ki, Araxamia ABŞ-ın 47-ci prezidentinin andiçmə mərasimində Kapitol rotundasına girməyə icazə verilən azsaylı xarici rəsmilərdən biridir. Mənbənin sözlərinə görə, yaxın vaxtlarda Ukrayna prezidenti Volodimir Zelenski ilə Tramp arasında görüş baş tutacaq.
Seçki kampaniyası zamanı Donald Tramp Rusiya-Ukrayna münaqişəsini 24 saat ərzində dayandırmağa hazır olduğunu dəfələrlə bəyan edib. Seçilmiş prezident sonradan ritorikasını dəyişib.
.jpg)
