AZ
RU
" Atasından küsənlər aramızdadır"
"Ər"sözü Fərhaddan, Şirindən gəlir,
Nizami yazıbdır öz əsərində.
"Sahnamə" yaradıb tarixdən gəlir,
Deyibdir sözünü söz kəsərində.
*****
Ər sözü əz(i)mdir, cəsarət istər,
Fərhad tək, dağları, daşları yarsın!
Sevgini qəlbində əkib becərsə,
Məqsədə çatmağa fərasət istər.
*****
Var imiş tarixdə belə sevənlər,
Leylisiz səhra da, "məcnun"a dönüb.
Eşqisiz həyata ölüm deyənlər,
Dəyişən zamansa, "məcun"a dönüb.
*****
Çevrilib baxarsaq bizim dövrana,
Sevgidən yorulan hələ yol gəlir.
" Tazıya tut deyən, qaçır dovşana"
Xəyanət sevgiyə necə bol gəlir.
*****
Ailələr dağılır uşaq ortada,
Görəsən, bu uşaq sifariş edib?
Atamda, anamda sən olmalısan!
Könlümün nisgili çən olmalısan?!
*****
Gəncləri dindirsək, nələr bilərik?
"Qaynana" yazığın adı hallanır.
Bəzisi söz tapmır hakimə desin,
Qızların çoxusu zülmə qatlanır.
*****
Nəfsinə uyanlar Allahdan uzaq,
Meşşan həyat istər, "Ər deyim ona"?!
Halalına şər atıb quracaq tuzaq,
Bəs necə, ər deyim axı mən ona?
*****
Tv-lər yüklənib itən, qaçanla,
Yoxdursa bir ibrət biz nəyə baxaq?
Süfrəmiz ortada dinlə aramla,
Nəsiyət deyilki, biz nəyi tapaq?
*****
Pozurlar əxlaqı tv- i proqram,
Qonaq olur evlərə başıpozuqlar.
Yaranır ortada çoxlu melodram,
Arvadı itmişlər, adı yozuqlar.
*****
Biz hansı əxlaqdan sizə bəhs edək?
Azyaşlı qızları "ər"- ə verirlər.
Qız evdən qaçırsa, nəyi əks edək?
Körpəcə qızları şələ verirlər!
*****
Dövranın başı var, ayağı itib,
Dünyaya baxırsan, dünya dardadır.
Atanın, ananın dayağı itib,
Oğul, qız görəsən, kimi fırladır?!
*****
Baxın siz, doludur " hüzur" evləri,
Gəlin, qız, oğullar baxmır anaya.
Yaranıb nalədən hüzün evləri,
Ürəklər daş olub yatmır anaya.
*****
Hardadır İslamın qayda- qanunu?
Allah sizə demədi, sevin Ananı!
İmanın var isə dinlə qanunu,
Sən niyə atırsan cana yananı?
*****
İslama xor baxan dövrana gəldik,
"Atasından küsənlər" aramızdadır.
İmansız yaşadıq cövlana gəldik,
Çürüyən hər toxum xətamızdadır.
*****
Yazıram fikrimi qələm inləyir,
İpliksiz könlümə iynələr batır.
Könlümün səsini qəlbim dinləyir,
Sözümün başında bir ASLAN yatır!
*****
Ayılsa bu ASLAN nələri deyər,
Yuxusu yozulmur necə görübsə;
Gözləri parıldar, susqun baxışla,
Ax...ax
Anlayıb biləydiz kimləri yeyər!
Təranə Şəms. 8.06.2025
.jpeg)
