Qəzzada həyatını itirənlərin sayı 40 min 265-ə yüksəlib.

Yenixeber.org: Bu barədə Anklavın Səhiyyə Nazirliyi məlumat yayıb.

Bildirilir ki, ötən ilin oktyabrında Qəzza zolağında əməliyyatların başlanmasından indiyədək İsrail hərbçilərinin hərəkətləri nəticəsində təxminən 40,3 min fələstinli həlak olub, 93,1 mindən çoxu isə yaralanıb.

“İsrailin 2023-cü ilin oktyabr ayından Qəzzada həyata keçirdiyi əməliyyatlar nəticəsində ölənlərin sayı 40 265-ə yüksəlib, daha 93 144 nəfər yaralanıb”, -deyə  departamentin açıqlamasında bildirilir.

Səhiyyə Nazirliyinin məlumatına görə, “son 24 saat ərzində İsrail qüvvələrinin Qəzzanın müxtəlif bölgələrini atəşə tutması və hava hücumları nəticəsində 42 fələstinli ölüb, 163 nəfər yaralanıb”.