AZ
RU
Pakistan və İran razılaşdı -səfirlər qayıdır
Pakistan və İran səfirlərini yanvarın 26-dək geri qaytarmağa razılaşıb.
Yenixeber.org: Bu barədə Pakistan Xarici İşlər Nazirliyi məlumat yayıb.
“Pakistan və İran Xarici İşlər nazirliklərinin rəhbərləri arasında telefon danışığından sonra hər iki ölkənin səfirlərinin 2024-cü il yanvarın 26-dək öz vəzifələrinə qayıtmaları üçün birgə razılıq əldə olunub”, - məlumatda bildirilib.
Qeyd edək ki, yanvarın 16-da İran Pakistanın Bəlucistan əyalətinin Kuhi- Sabz ərazisində olan “Ceyş ül-Ədl” qruplaşmasına raket və pilotsuz təyyarələrlə zərbələr endirib. Pakistan 18 yanvarda bu zərbəyə cavab verməklə yanaşı, raket hücumunu kəskin qınamış, səfirini geri çağırmış və İrana bütün rəsmi səfərləri ləğv etmişdi.
