AZ
RU
Cənnətə getmək üçün ac qalan 58 nəfərin cəsədi tapıldı
Keniyada ac qaldıqları təqdirdə cənnətə gedəcəklərinə inanan təriqətin 58 davamçısının cəsədi tapılıb.
Yenixeber.org: Bu barədə "Reuters" agentliyi yerli polisə istinadən məlumat yayıb.
Eksqumasiyalar aparıldıqca ölənlərin sayının artacağı istisna edilmir. Ölənlərdən 50 nəfərin cəsədi kütləvi məzarlıqdan, 8 nəfərin cəsədi isə açıq ərazidən tapılıb.
Keniya Qırmızı Xaç Cəmiyyəti ilkin olaraq 112 nəfərin itkin düşdüyünü bildirib. Dini sektanın sağ qalan 29 üzvü polis tərəfindən xilas edilib.
"Xoş Xəbər Beynəlxalq Kilsəsi" adlanan təriqətin davamçıları meşə daxilində 800 hektar ərazidə yaşayırlar. İlkin olaraq 31 nəfərin cəsədinin aşkar edilməsindən sonra təriqətin lideri Pol Makkenzi həbs edilib.
