AZ
RU
.jpg)
Bizi Firdovsi Əliyevin zülmündən xilas edin -ŞOK GƏLIŞMƏ
''Bildirirəm ki, bu gün Yardımlı meşə mühafizə işçilərini ixtisara salaraq işdən çıxarmaq və beləliklə də rayonumuzun təbii sərvəti olan meşələri məhv etmək istəyirlər. Bu məqsədli şəkildə və Yardımlı rayonuna qarşı olan xain bir plandır. Məlumat üçün bildirirəm ki, Ekologiya və Təbii Sərvətlər Naziri Cənab Muxtar Babayevin əmri ilə 2018-ci ildə Yardımlı, Masallı və Cəlilabad Meşə Mühafizəsi və Bərpası Müəssisələri birləşdirirlərək Masallı Regional Meşə Təsərrüfatı Mərkəzi yaradıldı. Yarandığı ilk vaxtlarda rayonlar arasında heç bir ayrıseçkilik olmasa da 2019-cu ildə əslən Masallı rayonundan olan Ağaqardaş Qaraşov Meşələrin İnkişafı Departamentinin direktoru təyin olunandan sonra bütün bu qanunsuzluqlar baş qaldırdı. Cəlilabad və Yardımlı rayonlarından olan işçilərə qarşı ayrıseçkilik yarandı. Bu rayonların meşələrinə qarşı sanki düşmən münasibəti hökm sürdü. Məqsəd əsasən Yardımlı rayonunun meşələrində olan dədə, babalarımızdan bizim dövrümüzə qədər gəlib çıxan qiymətli ağac növlərini kəsərək Ağaqardaş Qaraşovun Masallı rayonunda olan sexlərinə verilməsi idi. Lakin Yardımlı rayonundan olan meşə işçilərinin bəzilərinin etiraz etməsindən və meşələrimizdə ağacların qanunsuz şəkildə kəsilməsinə imkan verməməsi üçün onlar bu məqsədlərinə nail ola bilmədilər. Lakin Ağaqardaş Qaraşov hər vasitə ilə Yardımlı işçilərinə təzyiq göstərməyə başladı. Ağaqardaş Qaraşov Meşələrin İnkişafı Departamentinin direktoru təyin olunan kimi özünə sadiq adamları respublikanın müxtəlif bölgələrinə rəhbər şəxslər təyin etdiyi kimi Masallı Regional Meşə Təsərrüfatı Mərkəzinə də direktor müavini əslən Yardımlı rayonunun Bozayran kəndindən olan Babayev Umud Dədəkişi oğlunu təyin etdirdi. Bu vaxta kimi Umud Babayev Meşələrin İnkişafı Departamentində işləyirdi. Umud Babayev də direktor müavini təyin olunduğu gündən elə doğma eli olan Yardımlı rayonunun meşələrinə və meşə işçilərinə düşmən münasibət bəslədi. Amma Masallı işçilərinə yaltağlanmağa başladı. Bu hadisələr bütün işçilərin gözü önündə baş vermişdir. Umud Babayev işlətdiyi 050 393-80-16 nömrəli mobil telefonla başladı Yardımlı işçilərinə zəng edərək min-bir bəhanə ilə hədə-qorxu gəlməklə onlardan rüşvət yığmağa. Umud Babayev bu günə kimi də öz himayədarı Ağaqardaş Qaraşova qarşı öz sadiqliyini qoruyub saxlamaqla, Yardımlı meşələrinə və meşə işçilərinə qarşı öz xain planlarını həyata keçirməyə çalışır. Sanki, Yardımlı işçiləri kimsəsizdir və ya Yardımlı rayonu sahibsizdir. O, hələdə inanır ki, öz xain əməlini həyata keçirə biləcək. Son vaxt, təxmiynən 2020-ci ilin yanvar ayının axırlarında Ağaqardaş Qaraşov Masallı rayonunun Qəriblər kəndindən olan İmamyarov Elsevər İsfəndiyar oğlunu Masallı Regional Meşə Təsərrüfatına direktor təyin etdirib. Elsevər İmamyarov bu vaxta qədər meşə sahəsində çalışmayıb və ümumiyyətlə meşə sahəsindən xəbəri belə yoxdur. Elsevər İmamyarov bundan əvvəl Masallı Məşğulluq Mərkəzinin direktoru işləyib və küllü miqdarda rüşvət alma qalmaqalı ilə işdən azad edilib. Bu barədə internet xəbər saytlarında məlumat vardır. Elsevər İmamyarovun atası İsfəndiyar kişinin isə Masallı rayonunda ağac emalı sexi olub. Meşələrdən ağaclar kəsilərək burada emal olunub. Düzdür gərək nə isə danışanda haqqlı-ədalətli danışasan. Masallı RMTM-nin direktoru Elsevər İmamyarov alicənab adamdır. Amma meşə sahəsindən heç bir məlumatı yoxdur. Ona görə də Ağaqardaş Qaraşov Umud Babayevə tapşırıb ki, bütün meşə işlərini ona öyrətsin. Umud Babayevdə canla, başla bu işləri həyata keçirir. Amma bizi başqa bir sual maraqlandırır. Bu Elsevər İmamyarovu direktor təyin edəndə niyə Nazirlik araşdırmayıb ki, bu adamın meşə sahəsindən xəbəri vardır yoxsa yox. Bu adam işləyə bilərmi? Bu adamın Regiona direktor təyin olunması 3 (üç) rayonun meşələrinin məhvinə gətirib çıxara bilərmi? İnternet xəbər saytlarında yazılıb ki, Ağaqardaş Qaraşov Elsevər İmamyarovdan 80000 (səksən min) manat rüşvət alaraq onu Masallı RMTM-nə direktor təyin edib. Bunun nə dərəcədə doğru olub-olmadığı isə bizə məlum deyil. Çünki əlimizdə sübut yoxdur.
Elsevər İmamyarov Masallı RMTM-nə direktor təyin olunandan sonra direktor müavini başlayıb yarımçıq qalmış planlarını həyata keçirməyə. Yəni Cəlilabad və Yardımlı meşə işçilərindən onların qanunsuz işlərinə mane olanları ixtisara salaraq işdən azad etmək və bununla da bu rayonların meşələrini məhv etməyə. Bunun üçün Umud Babayev yeni ştat cədvəli tərtib edib və həmin tərtib edilmiş ştat cədvəli Meşələrin İnkişafı Departamentinin direktoru Ağaqardaş Qaraşovun vasitəsilə Nazir müavini Firdovsi Əliyev tərəfindən təsdiq edilib. Həmin ştat cədvəli birbaşa Cəlilabad və Yardımlı rayonlarının meşələrinin məhvinə və meşə işçilərinin əksəriyyətinin qanunsuz olaraq ixtisara salınaraq işdən azad edilməsinə yönəlib. Həmin ştat cədvəlində rayonlar üzrə ayrıseçkilik açıq-aydın müşahidə olunur. Məsələn: Yardımlı rayonunun ümumi meşə ərazisi təxmiynən 21000,00 (iyirmi bir min) hektardır. Yardımlı rayonu üzrə 3 (üç) meşəbəylik, 19 (on doqquz) meşə dolayı var. Amma Masallı rayonun ümumi meşə ərazisi təxmiynən 10000,00 (on min) hektardır. Masallı rayonu üzrə isə 3 (üç) meşəbəylik, təxmiynən 29 (iyirmi doqquz) meşə gözətçisi var. Buradan açıq aydın görünür ki, Masallı rayonunda bir meşə gözətçisi təxmiynən 300,00 -400,00 (üç yüz və ya dörd yüz) hektarı mühafizə edir. Hələ 100,00 (bir yüz) hektarı mühafizə edən meşə gözətçiləri də var. Amma Yardımlı rayonu kimi dağlıq bir rayonda, relyefi çətin olan bir ərazidə elə meşə gözətçiləri var ki, təxmiynən 2500,00 (iki min beş yüz ) hektarı mühafizə edir. Heç bir yanacaq və ya texnika verilmədən. Bu hansı məntiqə uyğundur? İndi də Meşələrin İnkişafı Departamentinin direktoru Ağaqardaş Qaraşovun tərtib etdirdiyi və nazir müavini Firdovsi Əliyevin təsdiq etdiyi yeni ştat cədvəlində Masallı meşəbəylikləri olduğu kimi yerində saxlanılıb. Meşə dolaylarından bir ikisi ixtisar olunaraq birləşdirilib. O da baş aldatmaq üçün olan bir işdir. Amma Yardımlı rayonu üzrə meşəbəyliklər birləşdirilərək 2 (iki) meşəbəylik Şıxlar və Hamarkənd meşəbəylikləri yaradılıb. Həmin meşəbəyliklərə Bir baş meşəbəyi və bir baş meşəbəyinin köməkçisi ştatı ayrılıb. Meşə dolaylarının çox hissəsi ixtisar olunaraq birləşdirilib. Meşə gözətçisi sözü meşəbəyi sözü ilə əvəz edilib. Bu plan birbaşa Yardımlı meşələrinin məhv edilməsinə yönəlib. Buradan sual olunur: Məsələn: Hamarkənd meşəbəyliyinin ərazisinin bir hissəsi Yardımlı rayonunun Arus kəndinin yuxarı hissəsi, bir hissəsi Avaş, Deman kəndlərini, bir hissəsi Alar kəndlərini və Lerik rayonu ilə sərhəddi əhatə edəcək. Ərazisi təxmiynən 15000,00 (on beş min) hektardan çox (Masallı meşələrinin ümumi ərazsindən çox) olan dağlıq və çətin bir relyefdə olan və əksəriyyəti gündəlik yanacaq kimi odundan istifadə edən kəndlərin əhatəsində olan bir meşə ərazisini 1 (bir) baş meşəbəyi, 1 (bir) baş meşəbəyinin köməkçisi və 6 (altı ) meşəbəyi mühafizə edə bilərmi? Bu ştat cədvəli heç bir məntiqə sığmır. Əslində sözdə yox əməldə həqiqətən də meşələrin qorunmağını istəyirlərsə o, zaman meşə mühafizə işçilərinin sayı artırılmalıdır. Əlavə olaraq onu da bildirim ki, Ağaqardaş Qaraşov Departamentin direktoru təyin olunandan sonra Yardımlı rayonu üzrə olan 4 (dörd) meşəbəylikdən birini ixtisar edərək birləşdirmişdir. Yəni 2 saylı meşəbəyliyi ləvğ edərək 1 saylı meşəbəyliyə birləşdirmişdir. Əlavə olaraq həmin yeni təsdiq olunmuş ştat cədvəlində gülüş doğuran bir məqam da var ki, Masallı RMTM –də necə dəyişiklik aparılmasından asılı olmayaraq orada olan Əməyin mühafizəsi üzrə baş mütəxəssis , və Baş mühasibin müavini olan mühasib ştatları nədənsə ləvğ olunmur. Çünki Əməyin mühafizəsi üzrə baş mütəxəssis, həm də həmkarların sədri Adil Quliyev Ağaqardaş Qaraşovun qohumudur. Yəni qızının qaynatasıdır. Mühasib Sadiq Quliyev isə Adil Quliyevin oğludur. Yəni Qaraşovun qızının qayınıdır. Əslində onların adı işdə getsə də onlar işə daima gəlmirlər. Öz biznes işləri ilə məşğuldurlar. Onlar işə gəlməsə belə Ağaqardaş Qaraşovun qorxusundan heç kim onlardan işə gəlməsini tələb edə bilməz.
Masallı RMTM-nin qanunsuzluqları təkcə bununla bitmir. Bu qanunsuzluqların hələlik bir hissəsi barədə faktlarla məlumat verirəm:
1.Masallı RMTM-nin inzibati binasının təmirinə və lazımi avadanlıqlarla təmin olunmasına ayrılan vəsaitin çox hissəsini Meşələrin İnkişafı Departamentinin direktoru Ağaqardaş Qaraşov və onun Masallı RMTM-də işləyən qohumu (qızının qaynatası) Adil Quliyevlə birlikdə qanunsuz şəkildə mənimsədilər. İmkan vermədilər ki, bina effekti şəkildə tam təmir olunaraq, lazimi avadanlıqlarla keyfiyyətli şəkildə təmin olunsun. Axı bu binada işləyən işçilərin sağlamlığları işlədikləri binanın şəraitindən asılıdır. İnzibati binanın təmir işlərini və ayrılan vəsaiti üzləşdirsəniz sübuta yetiriləcək.
2.Masallı Regional Meşə Təsərrüfatı Mərkəzinin işçiləri bayram, şənbə və bazar günləridə daxil olmaqla iş saatından artıq işlədilir. Şənbə və bazar günlərinə aktlar tərtib olunur. Direktor Elsevər İmamyarov və direktor müavini Umud Babayev bildirir ki, kimin xoşu gəlmir işləməsin. Heç kimi məcbur saxlamırıq. Bu cümlə elə onların hansı təfəkkürə malik olmalarından xəbər verir.
3. Burada işləyən II qrup əlil şəxslərdə qanuni şəkildə gündəlik iş saatı həftənin birinci günü 8 saat, digər günləri 7 saat olsa da qanunsuz şəkildə onlar iş vaxtından artıq işlədilib. Son 5 (beş) ayın və 2019-cu ilin iş tabellərini yoxlasanız bunun şahidi olacaqsınız. Bundan başqa Nazirlər Kabinetinin qərarına əsasən II qrup işləyən əlillərə işlədiyi müəssisə tərəfindən əlavə olaraq əmək haqqının 25 % -i qədər ödənilməli olsa da bu günə kimi həmin vəsait hesablanaraq ödənilməmişdir. Bütün bunlar əlillərin işlədikləri müəssisə tərəfindən hüquqlarının pozulması deməkdir.
4.Əkin işləri iməcilik adı altında işçilərə hədə qorxu gələrək aparılır. Nazirin adından istifadə edərək Masallı RMTM-nin rəhbərliyi işçilərə hədə qorxu gələrək bütün əkin işlərini qanunsuz şəkildə həyata keçirməyə çalışır. Sovet hakimiyyəti illərində hər il aprel ayının 12-si Lenin iməciliyi keçirilirdi. İndi isə Masallı RMTM-nin rəhbərliyi hər 3 - 4 gündən bir işçilərə hədə-qorxu gələrək Lenin iməciliyi keçirir. Əkin naryadlarını yoxlasanız bunun şahidi olacaqsınız. Bu saxta naryadlarda göstərilən iməcilikdə kimlər iştirak edir. Məsələn: Əgər bu iməcilikdə meşə gözətçisi iştirak edirsə, onda sual olunur həmin vaxtı meşə gözətçisinin mühafizə etdiyi meşə dolayını kim mühafizə edir. Əgər belədirsə onda Masallı RMTM özü şərait yaradır ki, dolay mühafizəsiz qalsın və həmin meşə sahəsində ağaclar qanunsuz olaraq kəsilsin. Bu hallardan rəhbərlik öz mənfəətləri üçün istifadə etsinlər.
5.İşçilərin Əmək haqqları Əmək müqaviləsində göstərildiyi vaxtdan gec ödənilir. Əmək müqavilələrini və Əmək haqqlarının köçürülmə tarixlərini araşdırsanız bunun şahidi olacaqsınız. Hər ay bu hadisə təkrarlanır.
6.Masallı Regional Meşə Təsərrüfatı Mərkəzininə arılan yanacaq qanunsuz şəkildə mənimsənilir. Yol-vərəqələrini və müqaviləsi olan yanacaqdoldurma məntəqəsinin videokameralarını araşdırmaqla bunu sübuta yetirə bilərsiniz.
Xahiş edirik bu faktların araşdırılmasına köməklik edəsiniz.
Masallı RMTM-nin rəhbərliyi və onları himayə edən Meşələrin İnkişafı Departamentinin direktoru Ağaqardaş Qaraşov və Nazir müavini Firdovsi Əliyev niyə öz qanunsuz əməllərindən əl çəkmirlər. Dəfələrlə Hörmətli, Cənab Prezidentimiz xəbərdarlıq edir ki, heç bir işçi 8 (səkkiz) saatdan artıq işlədilməsin. Heç bir işçi incidilməsin, heç bir işçinin hüquqları pozulmasın. Cənab Prezident dəfələrlə aidiyyatı orqanlara tapşırıq verir ki, heç bir yerdə ixtisar aparılmasın. Hətta özəl sektora da ixtisar aparmamaları barədə göstəriş verib. Cənab Prezident deyir ki, bir işçini işdən çıxarmaq bir ailənin çörəyini kəsmək deməkdir. Ona görə də heç bir işçini qanunsuz olaraq işdən çıxarmaq olmaz. Cənab Prezident istəyir ki, ölkdə bütün işsiz vətəndaşlar işlə təmin olunsun. Hər kəs öz evinə, ailəsinə çörək pulu aparsın. Bunun üçün hər birimiz Cənab Prezidentimizə bir azərbaycan vətəndaşı kimi öz təşəkkürümüzü bildiririk. Amma Masallı RMTM-nin rəhbərliyi və onların himayədarları Meşələrin İnkişafı Departamentinin direktoru Ağaqardaş Qaraşov və Nazir müavini Firdovsi Əliyev öz qanunsuz əməllərindən əl çəkmirlər.
Odur ki, Sizdən xahiş edirik ki, Yardımlı və Cəlilabad rayonlarının meşələrini və həmin meşələri mühafizə edən meşə işçilərini Masallı RMTM-nin rəhbərliyinin və onları himayə edən Meşələrin İnkişafı Departamentinin direktoru Ağaqardaş Qaraşov və Nazir müavini Firdofsi Əliyevin zülmündən xilas edilməsinə köməklik göstərəsiniz.''(gündemxeber.az)
