AZ
RU
Milli Məclis bələdiyyələrin fəaliyyətinə inzibati nəzarəti həyata keçirən orqanın illik məruzəsini qəbul edib
Rusiya ilə danışıqlar prosesində ABŞ Ukraynaya heç nəyi diktə etməyəcək.
Yenixeber.org: Bunu ABŞ Prezidentinin milli təhlükəsizlik məsələləri üzrə müşaviri Ceyk Sallivan CNN-ə müsahibəsində deyib.
Sallivan gələcəkdə baş verəcək hadisələri proqnozlaşdıra bilmədiyini qeyd edərək vurğulayıb ki, Vaşinqton Ukraynadakı müharibənin bitməsi ilə bağlı Kiyevə heç nəyi diktə etməyəcək: “Ukraynalılar öz taleyi ilə bağlı qərarı özləri verməlidir”.
ABŞ prezidentinin müşaviri həmçinin, Ukraynadakı münaqişəni həll etmək üçün Çinin planına da toxunub: “Pekinin irəli sürdüyü təkliflər planında birinci bəndə (ölkələrin suverenliyinə hörmət) diqqət yetirilməlidir ”.
Qeyd edək ki, Çin hökuməti Ukraynada münaqişənin nizamlanması üçün 12 bənddən ibarət plan təqdim edib. Sənəddə bir çox məsələlərlə yanaşı, hərbi əməliyyatların dayandırılması və atəşkəs elan olunması, həmçinin Rusiya və Ukrayna tərəfləri arasında dialoqun tezliklə bərpası tələbləri yer alır.
