AZ
RU
Yenixeber.org: "Həqiqətən də, o (yeddinci bənd) rəsmi istifadə üçündür, ona görə də onu açıqlaya bilmərəm", - Peskov bu bəndin məzmunu ilə bağlı deyib. O, bildirib ki, bu bəndin qapalı olmasının səbəbini açıqlaya bilməz.
"Mən izah edə bilmərəm. Deyə biləcəyim yeganə şey odur ki, Sergey Şoyqu müsahibəsində deyib: 300 000 nəfər. Burada söhbət 300 000-ə qədər insandan gedir", - Kreml sözçüsü izah edib. "Ancaq həm də müdafiə nazirinin izah etdiyi kimi, hamısı birdən deyil", - Peskov vurğulayıb.
Qeyd edək ki, Rusiya Prezidenti Vladimir Putin ölkədə qismən səfərbərlik elan edib.Onun sözlərinə görə, Rusiya Federasiyasında qismən səfərbərlik çərçivəsində çağırış yalnız ehtiyatda olan, ilk növbədə təcrübəsi olan vətəndaşlara şamil olunacaq.
Səfərbərliklə bağlı fərmanda 10 bənd var, yeddincisi isə rəsmi olaraq dərc olunmayıb. Sənədin özündə “rəsmi istifadə üçün” kimi qeyd olunub.
Rusiya müdafiə naziri Sergey Şoyqu daha əvvəl bildirmişdi ki, ölkədə elan edilən qismən səfərbərlik zamanı 300 min nəfər xidmətə çağırılacaq.
Kreml qismən səfərbərlik haqqında fərmanın 7-ci bəndini açıqlamır -Gizlidir
"Rusiya müdafiə naziri Sergey Şoyqunun dediyi kimi, qismən səfərbərlik haqqında fərmanın qapalı yeddinci bəndində 300 minə qədər insanın hərbi xidmətə çağırılması barədə məlumat var". Bu barədə jurnalistlərə müsahibəsində Rusiya Prezidentinin mətbuat katibi Dmitri Peskov bildirib.
