AZ
RU
-1657627287.jpg "\"Mənim xəbərim olmayıb\" - İcra başçısı qazinin yasına getdi")
İnternet TV-lərə açıqlama verən Siraqəddin Cabbarov qazinin intiharı ilə bağlı İcra Hakimiyyətinə yönələn ittihamları qəbul etməyib.
İcra başçısı deyib ki, mərhum Elvin Cəfərovu dəfələrlə qəbul edib və onun tələbləri yerinə yetirilib.
“Son hallardan isə mənim ümumiyyətllə xəbərim olmayıb. İstər icra nümayəndəliyi, istər bələdiyyə tərəfindən nə tələbi olub, hamısı imkan daxilində həyata keçirilib. Daim qayğıda olan qazilərdən biri də Elvin Cəfərov olub”, - icra başçısı deyib.
Qazinin intihar hadisəsinin hüquq-mühafizə orqanları tərəfindən araşdırlıdığını deyən başçı jurnalistləri məsələni siyasiləşdirməməyə çağırıb.
Qeyd edək ki, Vətən müharibəsinin qazisi, 3-cü qrup əlil Elvin Cəfərov iyulun 10-da özünü yandırıb. Bu addımı atmazdan öncə o, internet TV-lərə verdiyi açıqlamada Sabirabad rayon İcra Hakimiyyətini laqeydlikdə ittiham edib, icra başçısının qəbulunu düşə bilmədiyini vurğulayıb.
35 yaşlı qazi intihara cəhddən sonra ağır vəziyyətdə Respublika Yanıq Mərkəzinə yerləşdirilmişdi. Mərhum Elvin Cəfərovun 2 azyaşlı övladı qalıb.
.jpg)
