AZ
RU
Qubada narkotik vasitələrin dövriyyəsinə qarşı əməliyyat zamanı daha 1 nəfər saxlanılıb
Quba Rayon Polis Şöbəsinin əməkdaşları tərəfindən narkotik vasitələrin qanunsuz dövriyyəsinə qarşı əməliyyat keçirilib.
Daxili İşlər Nazirliyinin Mətbuat Xidmətinin Quba regional qrupundan Yenixeber.org-a verilən məlumata görə, keçirilən əməliyyat-axtarış tədbirləri nəticəsində narkotik vasitələrin əldə etməsi, saxlaması və daşımasında şübhəli bilinən rayon sakini Azad Rəsulov saxlanılıb. Həmin şəxsin üzərinə və yaşadığı evə baxış keçirilən zaman narkotik vasitə olan heroin, tiryək, eləcə də “patı”, “şüşə” adlandırılan psixotrop maddə metamfetamin, və 1 ədəd elektron tərəzi aşkar olunaraq götürülüb.
Faktla bağlı Quba RPŞ-də cinayət işi başlanılıb, məhkəmənin qərarı ilə A.Rəsulov barəsində həbs qətimkan tədbiri seçilib.
