AZ
RU
Federal Təhqiqat Bürosu Deripaskanın evində axtarış aparır-ABŞ-da
Federal Təhqiqat Bürosu rusiyalı milyarder Oleq Deripaskanın Vaşinqtondakı evində axtarış aparır. Hazırda binanın ətrafında Federal Təhqiqat Bürosunun əməkdaşları əraziyə girişi məhdudlaşdırıblar.
Yenixeber.org: Bu barədə Lenta.ru xəbər yayıb. Qeyd olunur ki, iyun ayında ABŞ məhkəməsi rusiyalı iş adamının ona qarşı tətbiq edilən sanksiyaların ləğv edilməsi tələbi ilə iddiasını rədd edib.
2018 -ci ildə ABŞ Deripaska və onun 8 aktivinə qarşı sanksiyalar tətbiq ediblər. 2019 -cu ilin yanvar ayında milyarder ABŞ Maliyyə nazirliyi ilə En+, Rusal və Eurosibenergo üzərindəki təzyiqlərə son qoyulması ilə bağlı razılığa gəliblər. Lakin qalan aktivlər və rusiyalı iş adamının adı sanksiyalar siyahısından silinməyib. 2019 -cu ilin mart ayında Deripaska ABŞ Maliyyə nazirliyinə qarşı iddia açıb. İş adamı o zaman qeyd edib ki, ədalətsiz tədbirlər səbəbindən o, 7 milyard dollardan çox pul itirib.
