Bu ilin yanvar-mart ayları ərzində Azərbaycanın ticarət əməliyyatlarının həcmi 6 milyard 853 milyon 734,4 min dollar olub. 
Yenixeber.org: Dövlət Gömrük Komitəsindən bildirilir ki, ticarət əməliyyatlarının həcmi 2019-cu ilin yanvar-mart aylarına nisbətən 10,2% və ya 776 milyon 391,8 min dollar azalıb.
İdxal əməliyyatları üzrə 2 milyard 636 milyon 969,3 min dollar (2019-cu ilin yanvar-mart aylarına nisbətən 15,9% və ya 498 milyon 607,6 min dollar azalıb), ixrac əməliyyatları üzrə 4 milyard 206 milyon 765 min dollar (2019-cı ilin yanvar-mart aylarına nisbətən 6,2% və 277 milyon 784,2 min dollar azalıb) ticarət həcmi qeydə alınıb. 2020-ci ilin yanvar-mart aylarında ticarət dövriyyəsində 1 milyard 569,8 milyon dollarlıq müsbət saldo yaranıb.
Məlumat üçün onu da bildirək ki, koronavirus səbəbindən mart ayında gömrük məntəqələrində məhdudiyyətlər tətbiq olunur. Məhdudiyyətlərin tətbiq olunduğu mart ayında Azərbaycana 849 milyon 468,5 min dollar dəyərində məhsul idxal olunub və bu ötən ilin analoji dövrü ilə müqayisədə 119 milyon 733,9 min dollar az olub. Fevral ayı ilə müqayisədə isə idxalın həcmi 217 milyon 114,4 min dollar aşağı düşüb.