AZ
RU
"Başqa bir dirçəlişə ehtiyacımız var"
Millət vəkili, Böyük Quruluş Partiyasının sədri Fazil Mustafa sosial şəbəkədə Milli Dirçəliş günü ilə bağlı status yazıb.
Xeberinfo.com: Həmin statusu təqdim edirik:
"Milli Dirçəliş günümüzdür.17 noyabr tarixini bu cür simvollaşdırmışıq. Meydanda bir araya gəlmək, kütləvi izdiham yaratmaq, birlikdə Sovet rejiminə etiraz etmək milli dirçəlişimizin komponenti sayılır. Nəticədə Azərbaycan dövləti adlanan müqəddəs dəyərimiz meydana çıxdı. İndi bunlar tarix. Başqa bir dirçəlişə ehtiyacımız var: İntellektual dirçəlişə, Mədəni dirçəlişə, İqtisadi dirçəlişə. Dirçəlişlə də iş bitmir. Dirçələndən sonra Addımlamaq da lazım. Tərəqqiyə doğru, Yeniliyə doğru, Rifaha doğru... Milli dirçəlişimizi ayrıca bir 17 noyabr günündən çıxarıb hər günümüzün yaşam normasına çevirməliyik. Belə bir Dirçəlişi arzulayan hər kəsə Təbriklər."
