Paşinyan Ukraynanın ərazi bütövlüyünü tanımır?

Yenixeber.org: Axmaqlığın hərtərəfli nümayişi sayıla biləcək mətni qonşu ölkənin Baş naziri Nikol Paşinyanın ruporu olan Ermənistanın “Baqramyan 26” teleqram kanalı hazırlayıb və dərc edib. Onlar Azərbaycan-Ukrayna münasibətləri mövzusuna toxunmağa qərar veriblər.

Özlüyündə bu fikir çox yersiz görünürdü. Axı Ermənistanın teleqram kanalından Ermənistan-Ukrayna münasibətlərinə qiymət gözləmək daha düzgün olardı. Amma biz onların Azərbaycan Prezidenti İlham Əliyevin Ukrayna Prezidenti Vladimir Zelenskiyə göndərdiyi təbrikin mənasını təhrif olunmuş şəkildə Paşinyanın maaşı üzərindən “otrabotka” etmək işini gördük.

Ukraynanın Müstəqillik Günü ilə əlaqədar olan təbrik məktubunun mətni Azərbaycan Prezidentinin rəsmi saytında dərc olunub. Məktubda dövlətimizin başçısı qeyd edib ki, Azərbaycan ilə Ukrayna arasında zəngin ənənələrə malik dostluq münasibətləri mövcuddur: “Tarixən bir-birinə dəstək olan xalqlarımızın iradəsi bu gün dövlətlərarası münasibətlərimizin əsasını təşkil edir, ölkələrimiz arasında qarşılıqlı etimada və dəstəyə əsaslanan münasibətlərin, bir sıra sahələrdə, xüsusilə də enerji sahəsində səmərəli əməkdaşlığımızın əsasını təşkil edir”.

Amma bu mesajın aşağıdakı sətirlərini xüsusilə qeyd edəcəm: “BMT Nizamnaməsinə, beynəlxalq hüququn norma və prinsiplərinə uyğun olaraq, Azərbaycan və Ukrayna ərazi bütövlüyü və suverenlik məsələlərində qarşılıqlı dəstək və həmrəylik nümayiş etdirir”.

Dövlətimizin başçısının bu bəyanatı dövlətin ardıcıl, prinsipial xarici siyasət konsepsiyasını qurmağın mümkün və zəruri olduğuna daha bir nümunədir. Azərbaycanın Ukraynanın hazırkı rəhbərliyi ilə çox isti və etibarlı münasibətləri var, rəsmi Kiyevi narahat edən məsələlərdə, ilk növbədə, bu, Ukraynanın ərazi bütövlüyü məsələsidir, ən mühüm məsələlərdə öz mövqeyini açıq şəkildə ifadə edir.

Görünür, Paşinyanın teleqram kanalı burnunu harasa salmağa yer tapdı. Onların reallığı təhrif etmələri ilə hər şey ukraynalıları təhqir etməklə başladı. “Baqramyan 26” yazıb ki, onları “məhdud anlayışı olan insanlarla” səhv salırlar.

“Azərbaycan keçmiş sovet respublikaları arasında Ukraynaya qarşı ən düşmən mövqedən birinə malik ola bilər”, - deyə nəşr sərsəmləyir.

Bunu uzun illər “Rusiyanın Qafqazdakı forpostu” adlandırılan, Rusiyaya bütün məsələlərdə dəstəyini ifadə edən ölkənin teleqram kanalı yazıb. Bəli, bəli, Azərbaycan məhz “düşmənçilik” hissindən Ukraynaya on milyonlarla dollarlıq humanitar yardım köçürüb və həmişə siyasi dəstəyini bildirib. Bəs eşşək zəfəranın nə olduğunu bilmədiyi kimi, Paşinyanın resursu hardan bilsin ki, normal polemika nədir?!

“Azərbaycan Rusiya ilə strateji müttəfiqliyə daxil olduqdan sonra ərazi bütövlüyünün dəstəklənməsi ilə bağlı ənənəvi bəyanatlar artıq ciddi görünmür”, - deyə Paşinyanın resursu qeyd edir.

Onlar Azərbaycanın Ukraynanın strateji müttəfiqi olması faktını qeyd etməməyə qərar verirlər. Eləcə də Azərbaycan və Ukraynanın GUAM-ın, Ermənistanın isə Aİİ-nin bir hissəsi olması faktını da. Və İrəvanın KTMT-ni tərk etməməsini deyil, orada ancaq iştirakını “dondurduğunu” da.

Üstəlik, Ermənistan-Türkiyə və Ermənistan-İran sərhədləri Rusiya sərhədçiləri tərəfindən qorunur. Habelə, Rusiyanın 102-ci hərbi bazası hələ də Gümrüdə yerləşir. Təbii ki, Paşinyanın teleqram kanalı bütün bunlara, eləcə də son iki ildə Rusiya ilə Ermənistan arasında ticarət dövriyyəsinin 5 dəfə - bir milyard yarımdan 7,3 milyarda qədər artdığına dair susur. Müqayisə üçün qeyd edək ki, Azərbaycanla Rusiya arasında ticarət dövriyyəsi 4,3 milyard dollar təşkil edir. Buradan çıxan nəticələr göz qabağındadır.

Bəli, Ermənistan Rusiya-Ukrayna müharibəsindən qazanc əldə etməkdə davam edir. Üstəlik, bu, İrəvanda primitiv şəkildə ört-basdır etməyə çalışdıqları klassik qan üzərində biznesdir. Amma buradakı cəhd boşa çıxdı. Və bilirsiz niyə? Yox, təkcə ona görə yox ki, Ermənistan müntəzəm olaraq Ukraynaya irimiqyaslı humanitar yardım göndərməyə cəsarət etmir.

Ona görə ki, Nikol Paşinyanın da Ukrayna Prezidenti Vladimir Zelenskiyə təbrik məktubu var idi. Orada Ermənistanın Ukraynaya humanitar yardım etməyə hazır olması və Ermənistanın Ukraynanın suverenliyini və ərazi bütövlüyünü dəstəkləməsi barədə bir kəlmə də danışmayıb. Bəli, İrəvanda yenə “sudan quru çıxamağa” cəhd etdilər. Burada hər şey, o cümlədən mövcud media resursları iştirak edir. Yaxşı iş görmək istədilər, amma həmişəki kimi alındı...(AYNA)