Natiq Cəfərli: “Korrupsiya və inhisarçılıq başqa sahələrin inkişafına mane olur”

   "Xeberinfo.com": Yanvardan avqusta ixracatda neft 85,61% paya malik olub. Karbohidrogenlərin (qaz və neft məhsulları daxil) ixracatdakı xüsusi çəkisi 92,52 faiz olub.

Gömrük Komitəsinin məlumatına görə, hesabat dövründə Azərbaycanın xarici ticarət dövriyyəsi 18 milyard 133 milyon 507 min dollar olub. İxracatda meyvə-tərəvəz (1,03%), şəkər (1%), bitki və kərə yağları (0,98%), plastmass (0,58%), alüminium (0,35%), çay (0,13%), içkilər (0,16%), kimya məhsulları (0,3%), pambıq (0,06%), qara metal və məmulatı da var.

   Göründüyü kimi ölkənin ixracatında 90 faziindən çoxunu qaz və neft məhsulları tutur. Niyə qeyri-neft sektoruna maraq yoxdur? Daha keyfiyyətli məhsulları istifadə etmirik, yoxsa başqa səbəblər var?

ReAL Vətəndaş hərəkatının icra katibi, iqtisadçı ekspert Natiq Cəfərli vəziyyətin uzun illərdir bu cür olduğunu deyir: “Uzun illərdir ki, veziyyet belədir. İxracatda neft və neft məhsulları, qaz üstünlük təşkil edir. Bunun üç səbəbi var. Birincisi, rəqabətli mühit yoxdur, korrupsiya və inhisarçılıq real sektorun inkişafına mane olur. İkincisi, ölkədə bank sektoru zəifdir, ucuz və uzunmüddətli kreditlərə çıxış imkanı azdır. Üçüncüsü, mülkiyyət hüququ qorunmur, azad məhkəmə sistemi yoxdur. Ona görə də, ölkənin real sektoruna investisiyalar gəlmir”.