Neftin qiymətinin dəyişməsi və Rusiyada iqtisadi çətinliklər 2015-2016-cı illər üçün bir sıra MDB ölkələrinin suveren reytinqləri üçün neqativ amillər olaraq qalır.

"Xeberinfo.com":  Məlumata görə, bu barədə beynəlxalq reytinq agentliyi “Moody's İnvestors Service”in illik hesabatında deyilir.

“Biz gözləyirik ki, MDB ölkələri üçün mürəkkəb vəziyyət yaxın 12-18 ayda qalacaq”- deyə agentliyin analitiki Ernest Sertenti bildirib.

Agentlik bildirir ki, MDB ölkələrindən Azərbaycan və Qazaxıstanın vəziyyəti nisbətən yaxşıdır. “Moody's İnvestors Service” Azərbaycanın suveren reytinqini Baa3/”stabil”, Qazaxıstanın reytinqini Baa2/”stabil” səviyyəsində saxlayıb, Rusiyanın reytinqini isə Ba1/”neqativ” səviyyəsinə endirib.

Azərbaycan və Qazaxıstanın xarici borclarının ÜDM-ə nisbətdə faizi aşağı olduğundan onların vəziyyəti nisbətən yaxşıdır. Ancaq neftin qiymətlərinin qeyri-müəyyən perspektivləri və geosiyasi vəziyyətin pisləşməsi Azərbaycan və Qazaxıstanın kredit aktivlərinin keyfiyyətini pisləşdirir.

“Neftin qiymətinin qismən artmasına baxmayaraq proqnozlar yaxın gələcəkdə əvvəlki qiymətin bərpa olunmayacağını göstərir. Bu da MDB-nin neft ixrac edən ölkələrinə mənfi təsir göstərir. Bu ölkələr Rusiyadan pul köçürmələrindən xeyli asılıdır və onunla ticarət, maliyyə münasibətlərinə malikdir. Ona görə də proqnoz kədərlidir”- deyə Sertenqi bildirib.

Agentlik MDB ölkələrindən Ermənistan, Belarus, Ukrayna və Rusiyanın barəsində “neqativ” proqnoz verir. Eyni zamanda qeyd edir ki, Azərbaycan və Qazaxıstanın mürəkkəb geosiyasi şəraitdən çıxmaq üçün daha çox imkanları var. Çünki hər iki ölkə iri rezervlərə malikdir və Ukrayna münaqişəsinə cəlb olunmayıblar.

Virtualaz.org